Rapport vun der Visite

vun der Primärschoul „Um Widdem“ zu Käl,

den 12. Juli 2001

 

 

 

 

Et waren dobäi :

Vu Käl :

Jules Wilhelm (Buergermeeschter), Steve John (Gemeng), Eric Falchero, Jean Hiltgen, Claude Wilmes (Léierpersonal), Frank Schroeder (Datateam)

 

Vu Wolz :

Romain Schneider (Buergermeeschter), Emile Lutgen a Xavier Neuens (Léierpersonal), Claudine Esch-Schank a Marc Lorang (Elterevereenegung)

 

1. Gebailechkeeten

D´Gemeng Käl huet 6 Schoulsiten :

*  "D´Alexandraschoul" zu Téiténg fir d´Spillschoul.

*  "déi al Spillschoul" zu Téiténg fir de Précoce

*  " D’Primärschoul“ zu Téiténg fir den Enner- a Mëttelgrad

*  "De Faubourg" zu Käl fir den Uewergrad

*  "De Widdem" zu Käl fir den Enner- a Mëttelgrad. Dëse Site besteet aus 3 verschiddene Schoulgebaier, der Märei an de Policebüroen. Hei ginn zirka 270 Kanner, 15 Léierpersounen an eng kleng Zuel Chargéen an d´Schoul. Sie sinn op 15 Klassen opgedeelt.

 

2. Technescht Équipement

D´Hardware

A sämtleche Schoulgebaier stinn am ganzen 130 Computeren déi folgendermoossen opgedeelt sinn :

*  Am Précoce : 1 PC pro Gebai mat Drécker, Modem fir Internetzougang

*  Am Préscolaire : 1 PC pro Sall mat Drécker net vernetzt; 1 Power PC mat Modem fir Internet

*  Am Primaire : 3 PC pro Sall mat Drécker, Uschloss un e Server an Internetzougang

*  An all Gebai : 1 PowerPC équipéiert mat engem gréisseren Drécker, CD-Brenner, Scanner, Digitalkamera.

*  Um Widdem : 1 opgereschtenen PC (fir Filmveraarbechtung) am Raum beim Server

 

Bemierkungen :

*  Doduerch dass d´Computeren quasi all mateneen kaf gi sinn war et méiglech iwwerall dat selwecht Material ze hunn, domat si Problemer um Niveau vun der Comptabilitéit ëmgaange ginn. Am Gebrauch sinn Computeren mat Intel Pentium 3 Prozessoren mat Taktfrequenzen vun 350 respektiv 450Mhz.

*  All Schoulsall ass esou verkabelt dass et méiglech ass 6 Computeren un de Réseau unzeschléissen. Bei der Geleeënheet ass och de Kabel vun der Gemeinschaftsantenn mat geluet ginn.

*  Elektresch, sinn all d´Computeren mat Blitzschutz équipéiert an de Server huet eng "No-Break" Batterie mat enger Autonomie vun enger halwer Stonn.

*  Wëll um Site vum Widdem och d´Gebaier vun der Gemeng an der Police stinn, goufen sie zesumme mat der Schoul iwwer Glasfaserkabel an de Réseau mat agebonnen. Aus Käschtegrënn, war et onméiglech all d´Schoulgebaier matenenn ze vernetzen.

*  En CD-Chargeur beim Server fir 6 CDen an de Réseau ze speisen funktionéiert nëmme bedingt.

*  De Scanner huet en USB-Uschloss, dat mécht et méiglech den Apparat op einfach Aart a Weis och un e Computer an engem Klassesall unzeschléissen.

*  Beim digitale Fotoapparat gëtt eis geroden en einfachen Apparat mat Zoomobjektiv ze kafen.

*  D´Videokamera gëtt iwwer e sougenannte "Firewire" un de Computer ugeschloss, et muss dru geduecht ginn esou eng Adapterkaart beim Computer mat ze kafen.

*  All Dag gëtt en automatesche Backup op Band vun den Daten um Server gemat. Wann esou e Backup méi laang wéi 24 Stonne gehal muss ginn, muss dru geduecht ginn d´Cassette ze wiesselen.

*  All d´Computeren sinn assuréiert géint all Zort Schued a géint Vol, Käschtepunkt : 36000,- Frang pro Joer

*  De Moment gëtt nach un engem LCD-Projekter gefrien, deen et méiglech mécht Biller vum Computer op eng Leinwand ze projezéieren.

 

D´Software

*  Als Betriebssystem gëtt eis Windows NT oder Windows 2000 ugeroden. Déi 2 Systemer zeechnen sech aus duerch eng gutt Stabilitéit an der Méiglechkeet d´Zougangsberechtegungen fir de System hierarchech z´organiséieren.

*  Software gëtt éischter wéineg gebraucht, et gëtt vill Wert drop geluet dass d´Kanner selwer kreativ sinn, Texter schreiwen, molen, Fotoen a kleng Filmer maachen.

*  All Software ass lizenzéiert, et gëtt och an engem an deemselwechten Klassesall net mat Copien geschafft.

*  All Klass huet eng E-mail Adress. (iwwer hotmail)

*  D´Software déi gebraucht gëtt ass zum Deel gratis (Internet Explorer, Windows Media Player), déi aktuell Versiounen ginn op de Server gesat a stinn do fir all Computer um Réseau zur Verfügung.

D´Software déi zu Käl gebraucht gëtt :

*  Textveraarbechtung (Microsoft Word)

*  Multimedia Player (Microsoft Media Player)

*  Antivirusprogramm (Norton oder Antivir)

*  E-mailprogramm (Microsoft Outlook)

*  Lexikon (Microsoft Encarta)

*  Déierelexikon

*  Micro Robert

*  Molprogramm (Microsoft Paint), fir d´Spillschoul e Programm mat méi Méiglechkeeten (Print Artist junior)

*  Verschidden CDen wéi Oscar, Addi oder Löwenzahn

*  Tabellekalkulatioun (Microsoft Excel) fir de PC fir "Poweruser"

 

Bemierkungen

*  Vun enger Filtersoftware fir den Internet gëtt eis ausdrécklech ofgeroden. D´Software ass net selektiv genuch a sou kënnt et vir, dass Wierder wéi zum Beispill "Hausexperte" gespaart ginn oder eng E-mail Adress bei Hotmail.com onméiglech ass. Weider Argumenter géint de Gebrauch vu Filtersoftware fënnt een ënner der Sichmaschinn fir Kanner um Internet www.blinde-kuh.de/schutz.html. D´Verantwortung iwwer dat wat an der Schoul um Bildschirm gekuckt gëtt dréit den Enseignant, eng Saach mat der et zu Käl - laut Aussoen vum Léierpersonal - nach keng Schwieregkeete gouf.

*  An der Schoul gëtt et eng CD-théik déi all Joers e Budget vun 20000,- Frang pro Gebai huet fir d´Uschafung vu Software.

 

3. D´Aarbecht mam PC

De Computer gëtt zum groussen Deel am "Éveil" gebraucht. An anere Fächer gëtt e geholl wann eng bestëmmten Informatioun um Internet oder engem Lexikon nogesicht muss ginn.

Verschidde Réalisatiounen ginn op der Homepage vun der Schoul ( www.restena.lu/primaire/kayl ) gewisen, anerer si méi fir den interne Gebrauch.

Op der Homepage fënnt een :

*  Geschichtleches iwwer déi verschidde Schoulgebaier an der Gemeng

*  Geschichten a Gedichter

*  Reportagen an Informatiounen aus der Schoul an dem Sport

*  Eng interaktiv Pirategeschicht (Fortsetzungsgeschicht)

*  Biller vu verschiddenen Aktivitéiten, och zum Deel als elektronesch Postkaart

*  E Quiz

*  En Chatroom

*  En E-mail Kontakt

Aner Aarbechten sinn :

Eng Schoulzeitung, Dokumentatiounen iwwer Schoulausflich, Experimenter mat der Webcam oder kleng Dokumentatiounsfilmer mat der Videokamera.

 

4. Personal

Den Encadrement gesäit esou aus, dass et an all Gebai e "Responsable informatique" gëtt, et ass dat en Delegéierten vum Léierpersonal deen 1 Stonn Décharge pro Woch huet fir dës Aarbecht ze maachen.

Déi ganz Infrastruktur gëtt vun engem "Responsable réseau enseignement" géréiert, hien ass ausserdeem Interlocuteur fir déi extern Firma déi fir d´Maintenance vun der Computerinfrastruktur zoustänneg ass. Well hien och de Suppléant fir d’Homepage ass, ginn him duerfir 2 Iwwerstonnen pro Woch accordéiert.

D´Homepage gëtt vun engem Delegéierten vum Léierpersonal gemat dee gläichzäiteg och "Responsable informatique" a sengem Gebai ass. Him ginn duerfir 2 Stonnen Décharge pro Woch accordéiert.

 

Bemierkung

Et ass vu gréisster Wichtegkeet dass d´Gestioun vun der Infrastruktur an der Hand vun engem Responsabelen an der Schoul läit an dass d´Maintenance vun enger seriöser externer Entreprise gemat gëtt. 

5. Formatioun

D´Basisformatioun waren 3 x 2 Stonnen Cours vun der Firma déi d´Computeren geliwwert huet. Dobäi koumen Couren vum ISPERP, hei konnt sech esou organiséiert ginn, dass de Formateur vum ISERP op Käl an d´Schoul koum. Bei méi klénge Problemer gëtt op Nofro och eng personnaliséiert Formatioun gemat.

 

 

Marc Lorang

Elterevereenegung Wolz

 

zréck op d'Haaptsäit